Илдар Абдразаковка Россиянең атказанган артисты исеме бирелде

Тиешле указ Хокукый мәгълүмат рәсми порталында дөнья күргән.

(Казан, 16 март, «Татар-информ»). Опера җырчысы, ике тапкыр «Грэмми» премиясе лауреаты, Башкортстан һәм Татарстан Республикасының халык артисты Илдар Абдразаковка «Россиянең атказанган артисты» исеме бирелде.

«Башинформ» хәбәр итүенчә, Россия Президенты Владимир Путин имзалаган тиешле указ дүшәмбе, 15 мартта, Хокукый мәгълүмат рәсми порталында дөнья күргән.