Татар дәүләт филармониясе артистлары Илһам Шакиров каберен зиярат кылды
Бүген бөек җырчының вафатына бер ел тулды.
Скопировать ссылку
(Казан, 16 гыйнвар, "Татар-информ"). Бүген Г.Тукай исемендәге татар дәүләт филармониясе ветеран артистлары, хезмәткәрләре һәм дин әһелләре Яңа бистә татар зиратында Илһам Шакировның каберен зиярат кылды. Бу хакта филармониянең матбугат сәркатибе Зимфира Гыйльметдинова хәбәр итте.
"Көндез Илһам ага рухына Мәрҗани мәчетендә Коръән укылачак", - диде ул.
Бүген Илһам Шакировның вафатына нәкъ бер ел тулды.
