Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Салават Фәтхетдинов: Бүген КХТИны тәмамлаган кешеләр продюсер булып эшли
Җырчы продюсерларны әзерләү үзәге булдыру кирәклеген әйтте.
(Казан, 15 сентябрь, «Татар-информ», Гөлнар Гарифуллина). Җырчы Салават Фәтхетдинов фикеренчә, продюсерлар әзерли торган махсус үзәк кирәк. «Бүген КХТИны тәмамлаган кешеләр продюсер булып эшли», — ди ул. Бу проблеманы Татарстанның халкы артисты Мәдәният һәм сәнгать советы утырышында күтәрде.
«Бүген яшь башкаручыларның продюсерлык институты мәсьәләсе актуаль. Продюсер финанс эшләрен дә алып бара, үзе үк агент, ул администратор да, дисклар да чыгаручы. Продюсерларны әзерләүче уку йорты булмагач, аларны каян алырга соң?! Аларны ГИТИСтан кала беркайда әзерләмиләр.
Мәсәлән, бүген КХТИ (Казан илкүләм тикшеренү технология университеты — Т.И. искәрмәсе) тәмамлаган кешеләр продюсер булып эшли», — диде Салават.
Аның сүзләренчә, кеше үзен производствода тапмаган икән, ул сәнгать өлкәсенә килеп, продюсерлык белән шөгыльләнә башлый. «Аларның финанс өлкәсендә дә, юридик белеме дә юк», — диде җырчы.
«Хәзерге вакытта яшь башкаручылар белән юридик законнарны белмичә эшләү мөмкин түгел. Авторлык хокуклары турында сорау бик четерекле. Җырчы, композитор, башкаручы һәркайсы үзенчә эш итә. Бу мәсьәләне продюсерлар хәл итәргә тиеш. Ә алар юк. Вуз тәмамлагач, күпләр һөнәрен үзгәртә, аның оештыру сәләте җитеп бетми. Шуңа күрә, һичьюгы, факультет каршында кафедра булса да булдырырга кирәк», — диде Салават.
Ул бүген татар эстрадасында профессионалларга караганда КХТИны бетергәннәр күбрәк булуын да искәртте. «Һәр татар җырлый, билгеле, бөтенесен эшкә алып булмый», — диде.
Кызыклы яңалыкларны күзәтеп бару өчен Телеграм-каналга язылыгыз