Мәдәният 15 май 2006 16:36

^Татарстан җыр һәм бию ансамбле Уфада зур концерт күрсәтәчәк

Скопировать ссылку

(Казан, 15 май, «Татар-информ», Маһирә Миңнуллина). Иртәгә Уфаның «Юбилейный» мәдәният сараенда 70 кешедән торган Татарстан җыр һәм бию ансамбле коллективы уфалылар өчен зур концерт программасы күрсәтәчәк.

Концерт программасы ике бүлектән тора: беренчесе – Казанның 1000 еллыгына бүләк итеп башкарылган «Казан турында риваять» концерты һәм икенчесе – ансамбль җырчыларының һәм биючеләренең аерым номерлары. Моннан тыш, концертта Рәшит Мостафинның 20 кешелек халык уен кораллары оркестры чыгышы һәм «Гөлнәзирә», «Тымрымриха», «Гармун» җырлы-биюле композицияләр булачак.

Татарстан җыр һәм бию ансамбленең Башкортстан җирендә инде 17 ел булганы юк икән. Аның әлеге концертларын Татарстан Мәдәният министрлыгы оештыра. Ул быел март аенда Казанга килгән Башкортстанның Ф.Гаскәров исемендәге җыр һәм бию ансамбле чыгышына җавап буларак башкарыла.

Сәхифәләр

^Татарстан җыр һәм бию ансамбле Уфада зур концерт күрсәтәчәк