Тукай исемендәге дәүләт бүләгенә дәгъва итүче кандидатлар исемлеге билгеле

Тукай премиясенә тугыз шәхес дәгъва итә. Алар арасында язучылар, рәссамнар һәм актриса бар.

(Казан, 15 март, «Татар-информ»). 2021 елда Тукай исемендәге дәүләт бүләгенә дәгъва итүче кандидатлар исемлеге билгеле.

Татарстан Президенты карамагындагы Габдулла Тукай исемендәге Татарстан Республикасы Дәүләт премияләре буенча комиссиясе утырышында Премиягә түбәндәге кандидатураларны күрсәтү турында карар кабул ителде.

Әлеге премиягә түбәндәгеләр дәгъва итә:

  1. «Саташып аткан таң» роман-трилогиясе һәм «Гөлҗиһан» повесте өчен Факил Сафин;
  2. “Кояшны кочкан малай», Җил көймәсе», «Әкиятче малай» китаплары өчен Ләбиб Лерон;
  3. «Казан-йорт», «Олуг Мөхәммәд», «Бибимәмдүдә абыстай» тарихи романнары өчен Марат Әмирханов;
  4. Милли сәнгать өлкәсендәге күпъеллык хезмәте һәм аерым алганда «Микулай» пьесасы өчен Мансур Гыйләҗев;
  5. Татар театры сәнгатенә керткән өлеше өчен Дания Нуруллина;
  6. «Туган як моңнары» картиналары сериясе өчен (44 картина) Мадияр Хаҗиев;
  7. Татарстанның архитектура мәдәниятенә керткән өлеше өчен Фирдәвес Ханов;
  8. Графика сәнгатенә керткән өлеше өчен Григорий Эйдинов;
  9. Габдулла Тукай иҗатына һәм татар халкы тарихына багышланган эшләре өчен Рушан Шәмсетдинов.