Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Аксубай муниципаль районы башлыгына «Йолдызлык» фестивале бүләге тапшырылды
Камил Гилманов «Созвездие»-«Йолдызлык» фестивалендә миллионлаган катнашучы хөрмәтенә диплом һәм истәлекле кубок белән бүләкләнде.
(Аксубай, 14 декабрь, «Татар-информ», «Авыл таңнары», Людмила Жаренова). Аксубай муниципаль районы башлыгы Камил Гилманов «Созвездие»-«Йолдызлык» фестивалендә миллионлаган катнашучы хөрмәтенә диплом һәм истәлекле кубок белән бүләкләнде. Бу турыда район басмасы хәбәр итә.
Татарстан Республикасы Милли яшьләр иҗади элитасын булдыруга керткән шәхси өлеше өчен аңа бүләкләрне «Созвездие-Йолдызлык» эстрада сәнгатенең ачык яшьләр телевизион фестивале генераль продюсеры Дмитрий Туманов тапшырды.
Рәсми булмаган очрашу район башлыгы Камил Гилмановның кабинетында узды. Дмитрий Александрович Камил Гилмановка «Йолдызлык» гамәлдә булган 19 ел дәвамында призлы урыннарны алган һәр бала сурәтләнгән яңа гына дөнья күргән «Нас миллион» китабын тапшырды.
Китапта Аксубай «йолдызчыклары» да сурәтләнгән, 19 ел фестиваль белән бергә атлаучы Балалар сәнгать мәктәбе укытучысы Эвелина Сруртдинова да алар арасында, ә бүген аның укучылары сәхнәдә йолдызчык булу өчен көрәшә.
Камил Гилманов яшь талантларга ачылырга ярдәм иткән өчен Дмитрий Тумановка рәхмәт әйтте.
Кызыклы яңалыкларны күзәтеп бару өчен Телеграм-каналга язылыгыз