Кыш бабай резиденциясенә каникул көннәрендә 3000 кунак кабул ителгән

Арча районының Яңа Кырлай авылында урнашкан Кыш бабай резиденциясе елдан-ел популярлаша бара.

Скопировать ссылку

(Казан, 11 гыйнвар, «Татар-информ», Рузилә Мөхәммәтова). Кышкы каникул көннәрендә Арча районының Яңа Кырлай авылында урнашкан Кыш бабай резиденциясенә 3 000 кеше килгән.

Татарстан Республикасы Премьер-министр урынбасары Ләйлә Фазлыева Яңа ел каникуллары көннәрендә үткәрелгән мәдәни һәм күңел ачу чаралары йомгакларына багышланган брифингта резиденциянең елдан-ел популярлаша баруына басым ясады.

«2020 елда Кыш бабай резиденциясе Ростуризм конкурсларының берсендә катнашып, грант откан иде. Әлеге грант акчалары хисабына объект яңартылды», — диде ул.

Туризм буенда дәүләт комитеты рәисе урынбасары Айгөл Балахонцева ачыклык керткәнчә, әлеге акчаларга Аждаһа өчен яңа кыя ясалган, чәй белән сыйлана торган бәйрәм сарай-чатыры ачылган. Кыш бабай бүлмәсе интерьерлары фонында селфига төшү урыны әйләнгән.

«Яңа елга кадәр резиденциягә 70 процент балалар һәм 30 процент өлкәннәрк илсә, 1 гыйнвардан соң пропорцияләр үзгәрә — өлкәннәр арта», диде Айгөл Балахонцева.

Ул кунаклар санының резиденциянең мөмкинлекләренә һәм ковидка каршы чикләүләргә бәйле булуын ассызыклады.

Яңа ел бәйрәмнәрендә Татарстанга 140 мең турист килгән.

Сәхифәләр

Кыш бабай резиденциясенә каникул көннәрендә 3000 кунак кабул ителгән