Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Театраль Сабантуй 20 июньдә була
Бәйрәмне Кәрим Тинчурин исемендәге Татар дәүләт драма һәм комедия театры һәм Апас муниципаль районы хакимияте оештыра.
(Казан, 10 июнь, «Татар-информ»). 20 июньдә 11:00 сәгатьтә Татарстан Апас районында XIII Театраль Сабантуй була.
Быел да традицион бәйрәмгә Татарстанның дәүләт театрлары артистлары һәм хезмәткәрләре, шулай ук күпсанлы кунаклар киләчәк. Бу турыда Татарстан Мәдәният министрлыгы матбугат хезмәте хәбәр итә.
Анда Камал исемендәге Татар дәүләт академия театры, Тинчурин исемендәге Татар дәүләт драма һәм комедия театры, Кариев исемендәге Казан татар дәүләт яшь тамашачы театры, «Әкият» татар дәүләт курчак театры, Өмәтбаев исемендәге Минзәлә татар дәүләт драма театры, Гыйләҗев исемендәге Чаллы дәүләт татар дәүләт драма театры, Миңнуллин исемендәге Түбән Кама татар дәүләт драма театры, Буа дәүләт драма театры, Тукай исемендәге Әтнә татар дәүләт драма театры катнаша.
Театраль Сабантуйны Татарстан Президенты ярдәме белән республика Мәдәният министрлыгы җитәкчелегендә Кәрим Тинчурин исемендәге Татар дәүләт драма һәм комедия театры һәм Апас муниципаль районы хакимияте оештыра.
Кызыклы яңалыкларны күзәтеп бару өчен Телеграм-каналга язылыгыз