Динә Гарипова «Зөләйха күзләрен ача» сериалына җыр яздырган

«Ай, былбылым» җыры җырчының «ЭТНО» исемле яңа альбомына керәчәк.

(Казан, 10 апрель, «Татар-информ»). Татарстанның атказанган артисткасы Динә Гарипова «Ай, былбылым» җырын чыгарды, ул Гүзәл Яхинаның китабы буенча төшерелгән «Зөләйха күзләрен ача» сериалына саундтрек булды. Бу хакта җырчының матбугат хезмәте хәбәр итә.

«Ай, былбылым» татар халык җыры җырчының «ЭТНО» исемле яңа альбомына керәчәк.

«Зөләйха күзләрен ача» сериалының премьерасы 13 апрельдә «Россия-1» каналында узачак.