Мәдәният 9 сентябрь 2021 20:38

Казан мөселман киносы фестивале ике кинофорум белән килешү төзегән

«Бу килешүләр безнең өчен яңа мөмкинлекләр ача», — дип белдерделәр Казан кинофестиваленең матбугат хезмәтеннән.

Скопировать ссылку

(Казан, 9 сентябрь, «Татар-информ», Лиля Шәйхетдинова). Казан халыкара мөселман киносы фестивале оештыручылары Мәскәүнең «Литература и кино» һәм Санкт-Петербургның «Влюбленные в искусство» кинофорумнары белән хезмәттәшлек килешүенә кул куйган.

«Бу килешүләр безнең өчен яңа мөмкинлекләр ача. Алар ярдәмендә без бер-беребез арасында фестиваль программалары, фильмнар белән алмашына, уртак проектлар эшли алабыз», — дип белдерделәр Казан кинофестиваленең матбугат хезмәтеннән.

Хәзерге вакытка Казан халыкара мөселман киносы фестивале оештыручылары хезмәттәшлек турындагы 16 документка кул куйган. Әлеге чара региональ кино базары кырында узган.

Сәхифәләр

Казан мөселман киносы фестивале ике кинофорум белән килешү төзегән