Аксубай китапханәсендә әкиятләрне курчаклар ярдәмендә сәхнәләштерәләр
Китапханәчеләр бу әкиятләрне балаларны тәрбияләү чарасы буларак файдаланалар.
(Казан, 7 ноябрь, «Татар-информ», «Аксубай», Зинаида Леонтьева). Аксубайда китапханә хезмәткәрләре «Дөнья халыклары әкиятләре» сәхифәсе кысаларында курчаклар белән тамашалар күрсәтә һәм аларны видеога яздыралар. Китапханәчеләр фикеренчә, балалар әкиятләрне карап өйрәнәләр. Бу хакта район басмасы хәбәр итә.
Балалар сәхнәләштерелгән әкиятләрне карап, бик күп кызыклы, гыйбрәтле мизгелләрне күрәләр. Мәсәлән, «Куян һәм Арслан» башкорт халык әкиятендә язылган борынгы зирәклек, тапкырлык һәм кыюлык кешене теләсә нинди күңелсезлекләрдән коткара ала, ди оештыручылар.
«Өч дуңгыз баласы» инглиз әкияте баланы кешегә ышанып тапшырган һәр эшнең намус белән башкарылырга тиешлегенә, якын кешеләргә һәрвакыт ярдәм итәргә кирәклегенә өйрәтә. «Шалкан» рус халык әкияте кече яшьтәге мәктәп укучыларын ярдәм сорауда оялмаска, тыйнагракларга булышырга өйрәтә, дип саный китапханәчеләр.
Әкият геройлары теләсә нинди бурычны бергәләп үтәү җиңелрәк икәнлеген аңларга ярдәм итә, диелә хәбәрдә.