Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Идель» журналының яңа санын Универсиада авылында тәкъдим итәчәкләр
Чара Татарстанда Туган телләр һәм халыклар бердәмлеге елына багышлана.
![«Идель» журналының яңа санын Универсиада авылында тәкъдим итәчәкләр](https://tatar-inform.tatar/resize/shd/images/uploads/news/2021/6/7/3345aaa7530a304cfb0ecc8e1a5ae31dd34980e9f47c6f36ef517286bdfe.jpg)
(Казан, 7 июнь, «Татар-информ»). Чәршәмбе көнне, 9 июньдә, Казанда рус телендәге «Идель» яшьләр журналының июнь санын тәкъдим итәчәкләр. Чара 15:00 сәгатьтә Универсиада авылы территориясендәге арт-киңлектә узачак.
Идел буе дәүләт физик культура, спорт һәм туризм академиясенең студентлар советы журнал редакциясе белән берлектә «IDЕЛЬ-party» уздырачак. Ул Татарстанда Туган телләр һәм халыклар бердәмлеге елына багышлана.
Очрашу программасында татар теленә һәм мәдәниятенә, Татарстан башкаласы географиясенә һәм тарихына багышланган «Идель» квизы, заманча һәм халык җыр-биюләре каралган. Кунаклар алдында халыкара бәйгеләр лауреатлары, шулай ук студентлар чыгыш ясаячак. Кунакларны үлән чәе һәм милли ашлар белән сыйлаячаклар.
![](/resize/750/images/uploads/news/2021/6/7/323ee13735aa2376a766e43b2addba8822d3ea4014ceb264c2a89badff02.jpg)
Бәйгеләрдә катнашучыларга һәм җиңүчеләргә «Идель» журналы истәлекле бүләкләр һәм акча тапшыра. Очрашуда журналның соңгы номерын алырга мөмкин. Әлеге санда студентларның ялларын ничек уздыру, җәен акча эшләү мөмкинлекләре, спорт академиясе лидеры Алия Гарипова һәм Казанда фотосессия уздыру өчен кызыклы урыннар турында язмалары бар.
Кызыклы яңалыкларны күзәтеп бару өчен Телеграм-каналга язылыгыз