Мәдәният 7 июнь 2005 17:14

Тиздән Татарстан Дәүләт җыр һәм бию ансамбле үзенең яңа концерт программасын тәкъдим итәчәк

Скопировать ссылку

(Казан, 7 июнь, «Татар-информ», Рәсилә Кәримова). Бу көннәрдә Татарстан Дәүләт җыр һәм бию ансамбле яңа программа өстендә эш алып бара. «Казан турында риваять» дип исемләнгән әлеге концерт программасын ансамбль Казанның меңъеллыгына багышлый.

Ансамбльнең алдагы репертуарына нигезләнеп эшләнгән әлеге программада милли колоритлар белән бергә, заманча бизәлешләр дә кертелгән. «Бер карт истәлекләре», «Буыннар чакыруы», «Аучы һәм кыз», «Тимерче» биюләре әнә шундыйлардан. Бөек Җиңүнең алтмыш еллыгын да истә тотып, ансамбль үзенең репертуарына сугышка багышланган номерлар да сәхнәләштергән.

Үзенең яңа программасын Татарстан Дәүләт җыр һәм бию ансамбле 1 июльдә тамашачы хөкеменә тапшырырга планлаштыра.

Сәхифәләр

Тиздән Татарстан Дәүләт җыр һәм бию ансамбле үзенең яңа концерт программасын тәкъдим итәчәк