news_header_top
Руc Тат
16+
news_header_bot
news_top
Мәдәният 6 октябрь 2010 16:12

Уфада Г. Камал театрын каршыларга әзерләнәләр

Г. Камал исемендәге Татар дәүләт академия драма театры гастрольләре 18-31 октябрь көннәрендә оештырыла

Скопировать ссылку

(Уфа, 6 октябрь, “Татар-информ”, Фәнис Фәтхуллин). Башкортстан театр сәнгатен сөючеләр өчен тиздән зур бәйрәм башлана. Уфага күптән гастрольләре көтелгән Г. Камал исемендәге Татар дәүләт академия драма театры коллективы иҗат сәфәренә килә.
Уфадагы театр афишаларында Г. Камал академтеатрының чираттагы гастрольләре хакында мәгълүматлар язылган белдерүләр эленде, радио һәм телевидениедә дә алхәбәрләр тапшырыла башлады.
Г. Камал исемендәге Татар дәүләт академия драма театры гастрольләре 18-31 октябрь көннәрендә оештырыла. Ике атна дәвам итәчәк иҗат сәфәре барышында казанлылар театр сөючеләр игътибарына җәмгысе иң шәп тугыз спектакль тәкъдим итәчәк. Алар арасында “Яшь йөрәкләр”, “Курчак туе”, “Диләфрүзгә дүрт кияү”,“41нең арбалы хатыннары”, “Дивана”, “Тәкъдир”, “Мылтык”, “Бәби”, “Люстра” спектакльләре бар.
Бу сәфәрнең тагын бер үзенчәлеге – гастрольләрне япкан 31 октябрь көнне кунаклар күренекле драматург, шагыйрь, җырчы, композитор Зөлфәт Хәкимнең 50 яшьлек юбилеена багышланган бенефис-концертны да тәкъдим итә.
Г.Камал театры тамашалары Уфаның мәһабәт Нефтьчеләр мәдәният сараенда күрсәтелә. Көндезге тамашаларны да, кичкеләрен дә карау мөмкинлеге бар.
 

news_right_1
news_right_2
news_bot