Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәт театры артистлары Минхановлар Тинчурин театрына күчтеләр
Сәкинә һәм Рамил Минхановлар сиксәненче еллардан бирле Әлмәт театрында эшләгән артистлар.
![Әлмәт театры артистлары Минхановлар Тинчурин театрына күчтеләр](https://tatar-inform.tatar/resize/shd/images/uploads/news/2020/8/6/f18e4f6f8c4e68f97e91a0459c84508da7a4b9dd71ecf5496fde87dd8ca4.jpg)
(Казан, 6 август, «Татар-информ», Рузилә Мөхәммәтова). Әлмәт театрының популяр артистлары Сәкинә һәм Рамил Минхановлар Тинчурин театрына күчкәннәр. Мәгълүматны театр директоры Фәнис Мөсәгыйтов раслады.
“Минхановлар сентябрь аеннан эшкә чыгачаклар. Аларның Казанга күченү теләкләре барлыгын белгәч, артистларыбыз аларны театрга алуны кат-кат кереп сорадылар. Безнең театрга өлкән буын артистлары бик кирәк”, - диде Фәнис Мөсәгыйтов.
Сәкинә Минханова Казанга күченүләрен туганнарына якынрак буласы килү белән аңлатты. “Безнең бөтен туганнарыбыз Казан тирәсендә. Өлкәнәеп барганда аларга якынрак буласы килде”, - диде ул.
Сәкинә Минханова Әлмәт театры белән дусларча мөнәсәбәттә калуны, китүләренең башка сәбәбе юклыгын ассызыклады.
- Рамил Минханов - 1987, Сәкинә Минханова 1981 елдан Әлмәт театрында. Икесе дә Казан театр училищесын тәмамлаганнар.
Кызыклы яңалыкларны күзәтеп бару өчен Телеграм-каналга язылыгыз