Фольклор музыкасы дәүләт ансамбле Казанның төрле урыннарында җырларын яздыра

Фольклор музыкасы ансамбле үз репертуарындагы «Чәчмә бию», «Сөлге чигәм», «Яшьлек», «Ярмәк» номерларын видеоархив өчен яздыра.

(Казан, 6 август, «Татар-информ»). Татарстан Республикасы фольклор музыкасы дәүләт ансамбле ТАССРның 100 еллыгы уңаеннан затлы бүләк әзерли. Бу көннәрдә ансамбльне Казанның иң матур урыннарында һәм Казан Сабантуйлары узган аланнарда күреп була. Бу хакта Г. Тукай исемендәге татар дәүләт филармониясенең матбугат үзәге хәбәр итә.

Фольклор музыкасы ансамбле үз репертуарындагы «Чәчмә бию», «Сөлге чигәм», «Яшьлек», «Ярмәк» номерларын видеоархив өчен яздыра. Рияз Исхаков җитәкчелегендәге төшерү төркеме — күрше Башкортстан республикасыннан. Ансамбльнең элегрәк әлеге команда белән клиплар төшергәне бар иде инде.