Бүген Саха академия театрының “Уяну” спектаклен “Татар-информ” аша карарга мөмкин

Спектакльне онлайн карау өчен сылтама – http://tatar-inform.tatar/internet-tv/81/

(Казан, 6 май, «Татар-информ»). Бүген «Татар-информ» Төрки халыкларның “Нәүрүз” халыкара театр фестивале кысаларында П.А.Ойунский исемендәге Саха академия театрының “Уяну” спектаклен онлайн-трансляцияли. Спектакльне сәхнәгә танылган режиссер Сергей Потапов куйган.

Спектакльдә өч герой – үлемен көткән ялгыз Карт, тупас санитарка Хатын һәм карга битлеге кигән Тилемсә.

Спектакль 19.00 сәгатьтә башлана. Спектакльне онлайн карау өчен сылтама – http://tatar-inform.tatar/internet-tv/81/

Искәртеп узабыз, Казанда 5 июньнән 9 июньгә кадәр Төрки халыкларның “Нәүрүз” халыкара театр фестивале уза. Быел фестиваль саха театрларына багышлана. Саха (Якутия) Республикасыннан Казанга дүрт театр алты спектакль алып килде. Болар – П.А.Ойунский исемендәге Саха академия театры, Саха Республикасының Яшь тамашачы театры, Олонхо театры, Саха Республикасының Эстрада дәүләт театры коллективлары.