Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан консерваториясе «Тантана» премиясе кысаларында үз призын тапшырачак
«Тантана» премиясендә музыкаль театр номинациясе опера һәм балет итеп икегә бүленгән.
(Казан, 5 март, «Татар-информ», Рузилә Мөхәммәтова). Казан дәүләт консерваториясе музыка сәнгате үсешенә өлеш керткән өчен премия тапшырачак.
«Әлеге премия „Тантана“ премиясе кысаларында тапшырылачак. Бу консерваториянең үз иницативасы. Ул республикада музыка сәнгате үсешенә этәргеч ясар дип өметләнәм», — диде Театр әһелләре берлеге рәисе урынбасары Эльмира Фәтхуллина премия уңаеннан оештырылган матбугат конференциясендә.
«Тантана» премиясендә музыкаль театр номинациясе опера һәм балет итеп икегә бүленде. Опера дигәндә мюзикллар һәм музыкаль спектакльләр керә. Балет дигәндә пластик спектакльләр һәм перформанслар керә», — дип премиягә бәйле яңалыклар турында сөйләде ул.
Эльмира Фәтхуллина республикада Музыкаль театр юнәлешенең киңәюенә басым ясады. «Элек бер Опера һәм балет театры гына булса, Яшел Үзән музыкаль театры бар, „Пантера“ бар. Опера һәм хореография белән бәйле аерым проектлар да чыга», — дип дәвам итте.
«Тантана» республика премиясе Халыкара театр көнендә — 27 март көнне тантаналы шартларда тапшырыла.
Кызыклы яңалыкларны күзәтеп бару өчен Телеграм-каналга язылыгыз