news_header_top_970_100
16+
news_header_bot_970_100

Тинчурин театрында Татар драматургия үзәге лабораториясе башланды

Бүген дә актив иҗат итә торган биш татар драматургының әсәрләре буенча эскизлар куелачак.

Тинчурин театрында Татар драматургия үзәге лабораториясе башланды
Владимир Васильев

(Казан, 5 март, «Татар-информ»). Тинчурин театры каршында ачылган «Алкыш» Татар драматургиясе үзәгендә спектакльләргә эскизлар әзерләү буенча лаборатория эшли башлады.

«Эскизлар өчен „Әсәр. Тамашачы. Сәхнә“ проекты кысаларында театр һәм әдәбият белгечләре, артистлар һәм тамашачыларның уңай фикерен алган биш пьеса сайлап алынды», дип хәбәр итә театрның матбугат үзәге.

Лаборатория кысаларында Зөлфәт Хәкимнең «Янгын», Ркаил Зәйдулланың «Ашина», Салават Юзеевның «Кияү урлау», Мансур Гыйләҗевның «Бурлак», Зиннур Хөсниярнең «Балам-багалмам» әсәрләре буенча эскизлар ясалачак.

Эскизлар мәртәбәле жюри тарафыннан бәяләнәчәк.

autoscroll_news_right_240_400_1
autoscroll_news_right_240_400_2
news_bot_970_100