Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әтнә районында яңартылган мәдәният йорты ачыла
Ачылу бу елның 11 сентябренә планлаштырылган.
(4 сентябрь, Казан, «Татар-информ», «Әтнә таңы»). Әтнә районының Олы Мәңгәр авылында республика программасы буенча төзекләндерелгән мәдәният йорты ачылачак. Ремонт эшләренә 12,5 млн. сум бүлеп бирелгән. Бу хакта ТР Мәдәният министрлыгының матбугат хезмәте хәбәр итә дип яза район газетасы.
Төзүчеләр тарафыннан түбә, тәрәзә рамнары, керү төркемнәре, ишекләр, санузеллар, инженер-техник тәэмин итү челтәрләре ремонтланды. Моннан тыш, фасад яңартылган, бизәкләү эшләре башкарылган, бина тирәли отмосткалар торгызылган.
Авыл мәдәният йортында ун клуб оешмасы эшли: «Яшьлек» хореография коллективы, «Гөлләр иле» вокал төркеме, «Балачак» театр коллективы, «Гаилә учагы» гаилә клубы, «Асылташ» ветераннар клубы, өстәл уеннары яратучылар клубы, «Бәхетле балачак», «Сандугач» һәм «Кызыксынучылар» вокаль коллективлары, «Конферанс» яшүсмерләр клубы, Олы Мәңгәр халык театры.
Мәдәният йортында шулай ук 10 мең данәдән артык китабы булган Олы Мәңгәр авыл китапханәсе дә бар.
Ачылу бу елның 11 сентябренә планлаштырылган.
Кызыклы яңалыкларны күзәтеп бару өчен Телеграм-каналга язылыгыз