Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда «Татар мирасы эзләре буйлап» күргәзмәсе ачыла
Марат Гобәйдуллин иҗатына багышланган күргәзмә 10 сентябрьдә «Казан Кремле» музей-тыюлыгында Ислам мәдәнияте музеенда эшли башлый.
(Казан, 4 сентябрь, «Татар-информ»).10 сентябрьдә «Казан Кремле» музей-тыюлыгында Ислам мәдәнияте музеенда татар рәссамы - рәссам, сынчы һәм тимерче Марат Гобәйдуллин иҗатына багышланган «Татар мирасы эзләреннән» күргәзмәсе ачыла.
Күргәзмәдә останың киндердә һәм гипста эшләнгән 35 әсәрен күрергә мөмкин булачак.
Марат Гобәйдуллинның төп темасы булып, татар халкы тарихы тора. Картиналарда борынгы башкалалар - Болгар, Сарай, Казан, шулай ук ханнар чорының архитектура һәйкәлләре сурәтләнгән. Шулай ук рәссам әсәрләрендә тарихи персонажлар – Казан хакиме Нурсолтан һәм принцесса Гәүһәршад күрсәтелә.
Рәссам иҗатында дин мөһим юнәлеш булып тора. Әсәрләр традицион татар шамаиленең пыяладагы мотивлары буенча киндергә май белән эшләнгән. Гипс белән эшләү техникасын автор тере чәчәкләр бастырылган коллажлар төзегәндә кулланган. Коллекцияне Кырым һәм Урта Азия буйлап сәяхәтләрдә барлыкка килгән этюдлар тулыландыра. Алар рәссамның төрки мөселман мәдәнияте үзәкләре буйлап сәяхәтләреннән алган тәэсирләре белән таныштыра.
Экспозиция октябрь ахырына кадәр эшләячәк.
Кызыклы яңалыкларны күзәтеп бару өчен Телеграм-каналга язылыгыз