Алабугада Березовский фестивале һәм Спас ярминкәсе үткәрелмәячәк

Коронавирус инфекциясе таралу куркынычы сәбәпле, бәйрәмнәр гамәлдән чыгарылды.

(Алабуга, 4 июль, «Татар-информ», «Алабуга нуры»). Санитар-эпидемиологик вазгыять катлаулы булу сәбәпле, Алабуга муниципаль районы хакимияте күмәк чараларны гамәлдән чыгару турында карар кабул итте. Борис Березовскийның «Алабугада җәйге кичләр» халыкара фестивале һәм Бөтенроссия Спас ярминкәсе үткәрелмәячәк. Бу турыда район басмасы хәбәр итә.

Исегезгә төшерәбез, элек районда, бөтен республикадагы кебек үк, Сабантуй, шулай ук авыл җирлекләрендә конкурслар, шул исәптән терлекчеләр конкурсы гамәлдән чыгарылган иде.

 Татарстанда 2020 елгы Сабантуй онлайн режимда узачак.