Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллының Сәйдәшев исемендәге балалар музыка мәктәбенә 82 млн сумга ремонт ясалган
Әлеге бина «Мәдәният» илкүләм проекты кысаларында төзекләндерелгән.
(Чаллы, 3 гыйнвар, «Татар-информ», Рузилә Мөхәммәтова). Чаллының Салих Сәйдәшев исемендәге 6нчы балалар музыка мәктәбе бинасына 82 млн сумга ремонт ясалган. ТР Мәдәният министрлыгы журналистларга Чаллыда «Мәдәният» илкүләм проекты кысаларында төзекләндерелгән биналарны күрсәтте.
Салих Сәйдәшев исемендәге 6нчы балалар музыка мәктәбе мәдәният идарәсенә караган биналар арасында иң авыр хәллесе булган. Әлеге бина «Мәдәният» милли проекты программасына кертелгән. Софинаслау кысаларында акча федераль һәм республика чыганакларыннан бүленгән.
Ике катлы бинаның фасады җылытылган һәм яңартылган, җылылык, электр һәм вентиляция системасы, сантехника алыштырылган, түбә ябылган. Мәктәпнең 112 урынлык зур һәм 60 урынлык кече заллары бар. Әлеге залларга капиталь ремонт ясалган, җиһаз алыштырылган.
Музыка мәктәбе 1981 елда ачылган. 1990 елда аңа Салих Сәйдәшев исеме бирелгән. Мәктәп директоры Ольга Абулева ремонтны мәктәпнең юбилеена зур бүләк дип атады.
Хәзер мәктәп алдында торган зур проблема — аны музыка кораллары белән тәэмин итү. Чаллы мәдәният идарәсе бу юнәлештә эш бара дип ышандырды.
- Мәктәптә 17 белгечлек буенча укытыла. Мәктәптә 39 ел эчендә 2000нән артык бала укып чыккан. 2017-2020 елларда музыка мәктәбе укучылары 240 конкурста катнашып, 747 җиңү яулаганнар.
Кызыклы яңалыкларны күзәтеп бару өчен Телеграм-каналга язылыгыз