Самара өлкәсендә татар халык фольклор ансамбле юбилеена багышланган чара булды
«Ак каен» татар халык фольклор ансамбленә 50 ел тулды.
(Казан, 2 май, «Татар-информ»). Шушы көннәрдә Самара өлкәсенең Камышлы районының Иске Ярмәк авылы мәдәният йортында бәйрәм булды. Биредә «Ак каен» Татар халык фольклор ансамбленә 50 ел тулуга багышланган тантаналы чара узды.
Иске Ярмәк — ул Самара өлкәсе уртасындагы «Татар утравы». Ул ЮНЕСКОның материаль булмаган мирасына кертергә лаеклы «Ярмәк вагы» биюенең туган җире. Бу турыда Бөтендөнья татар конгрессы матбугат хезмәте хәбәр итә.
Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразиев исеменнән ансамбль коллективын Бөтендөнья татар конгрессы Башкарма комитеты җитәкчесе урынбасары Илгиз Халиков котлады.