Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Радий Хәбиров «Тукай стилендәге» костюмда чыгыш ясады
Элегрәк шундый стильдәге киемне Татарстан Президенты Рөстәм Миңнеханов һәм ТР Президенты аппараты җитәкчесе Әсгать Сәфәров кигән иде.
(Казан, 1 апрель, «Татар-информ»). Башкортстан башлыгы Радий Хәбиров френчтан чыгыш ясады. Революциягә кадәр татар зыялылары кигәнгә күрә, мондый төр костюмны «Тукай стиле» дип тә атыйлар.
Башкортстанда туган генерал Миңлегали Шәйморатовка Россия герое исемен бирү хакындагы хәбәр турында сөйләгәндә Радий Хәбиров шундый киемнән иде.
Милли кием модасын моңа кадәр ТР Президенты Рөстәм Миңнеханов һәм ТР Президенты аппараты җитәкчесе Әсгать Сәфәров кертеп җибәргән иде. Алар бәйрәм чараларына шундый кием белән килделәр.
«Без бит инде үзебезнең милләтебезне, гореф-гадәтләребезне, ризыкларыбызны, динебезне ничектер сакларга тиеш. Сез элеккеге фотоларны карагыз — безнең бөтен күренекле шәхесләребез, язучыларыбыз шул киемдә булган. Аны бер кеше көчләп кидертми. Әгәр үзебезгә бәйрәмнәрдәме, андый кием киябез икән, әйбәт. Әсгать Әхмәтович белән без беренче чиратта киябез. Безнең киемнәребез бик матур», — дигән иде Президент журналистлар белән очрашуда.
Кызыклы яңалыкларны күзәтеп бару өчен Телеграм-каналга язылыгыз