Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан консерваториясе дәф, думбыра, саз һәм гармунлы этноконцертка чакыра
Тамашада «Бәрәкәт», «Бәрмәнчек», «Риваять» төркемнәре, гармунчы солистлар А.Ахунов, Р.Гыйниятов, И.Шәрипов катнаша.
(Казан, 1 апрель, «Татар-информ», Рузилә Мөхәммәтова). Казан дәүләт консерваториясе этник музыка уен кораллары белән концертлар оештыруны дәвам итә. Алар консерваториянең Зур Кызыл урамындагы яңа бинасында – Халык музыка уен кораллары музеенда үтә. Бу хакта фольклорчы галим, доцент Геннадий Макаров хәбәр итте.
Казан консерваториясенең Татар музыка сәнгате факультеты инициативасы белән оештырыла торган концертларның чираттагысы 5 апрельгә планлаштырылган. Ул «Думбырадан гармунга» дип атала. «Концерт программасы бүгенге көндә халык музыка уен кораллары культурасы үсеше халәтен һәм тенденцияләрен чагылдыра, әлеге кризислы булып күренгән хәлнең чишелеш юлларын күрсәтә. Концертта Урта гасыр музыка уен коралларын - дәф, думбыра, сазны күрергә, аларның тембрын, ритмын ишетергә, Европа гармоникасында башкарылган татар көйләрен тыңларга мөмкин булачак. Башкаручылар этномузыкага хас стильне сакларга тырышачаклар», дип вәгъдә итш оештыручылар.
Концертта Казан дәүләт консерваториясенең «Бәрәкәт», «Бәрмәнчек» Дәүләт фольклор ансамбленең оркестр төркеме, «Риваять» фольклор ансамбле, гармунчы солистлар Алмаз Ахунов, Рамазан Гыйниятов, Ильяс Шәрипов катнаша.
Кызыклы яңалыкларны күзәтеп бару өчен Телеграм-каналга язылыгыз