Чулман елгасында Чистай суднолар ремонтлау заводы эшчесе батып үлгән
Скопировать ссылку
Бүген Чулман елгасында коткаручылар 65 яшьлек ир-атның гәүдәсен тапкан. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсендә хәбәр иттеләр.
Коткару хезмәтләре һәлакәт урынына килеп җитә һәм 4 метр тирәнлектән, ярдан 30 чамасы ераклыкта, эшченең гәүдәсен күтәрәләр. Ул Чистай суднолар ремонтлау заводының 65 яшьлек хезмәткәре булып чыга.
Якынча мәгълүмат буенча, фаҗиганең сәбәбе ир-атның очраклы рәвештә суга егылуы булган.
