Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
ЦРУның элекке башлыгы: Украинадагы низаг сөйләшүләр белән тәмамланачак
Украинадагы низаг сөйләшүләр юлы белән төгәлләнәчәк, әмма якларның берсе дә әлегә моңа әзер түгел. Пентагонның элеккеге башлыгы Дэвид Петреус Tagesspiegel газетасына биргән интервьюсында шулай дип белдерде. Бу хакта РИА Новости агентлыгы хәбәр итә.
Журналистлар билгеләп үткәнчә, ул Киевның «теләсә нинди юллар белән» җиңүе турындагы сүзләргә шикләнеп карый.
«Украинадагы хәрби хәрәкәтләр сөйләшүләр юлы белән тәмамланачак. Әмма Россия Президенты Владимир Путин да, Украина Президенты Владимир Зеленский да бүген сөйләшүләр башларга әзер түгел. Вакыт җиткәч, АКШ, Европа берлеге, Бөекбритания һәм башка илләр Украина һәм Россия белән карарларны гамәлгә ашыру юнәлешендә эшләячәк», - диде ул.
Шуңа да карамастан, Үзәк разведка идарәсенең (ЦРУ) элеккеге башлыгы искәрткәнчә, көнбатыш илләре финанслар белән дә, хәрби яктан да Киев режимына ярдәм күрсәтүен дәвам итә. Россиягә исә санкцияләрнең алга таба тагын да катгыйлану куркынычы яный.
Кызыклы яңалыкларны күзәтеп бару өчен Телеграм-каналга язылыгыз