Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чит төбәкләрдәге татар мәгълүмат чаралары арасында «Хәбәр» бәйгесе игълан ителә
Бөтендөнья татар конгрессы Татарстаннан читтәге татар телендәге газета, теле- һәм радиотапшырулар редакцияләре һәм журналистлары арасында I «Хәбәр» Бөтенроссия бәйгесен игълан итә.
Бөтендөнья татар конгрессының матбугат хезмәте хәбәр иткәнчә, конкурс 2023 елның 1 февраленнән 30 сентябрьгә кадәр үткәрелә. Бәйгегә 2022 елның 1 сентябреннән алып 2023 елның 30 сентябренә кадәр матбугатта чыккан һәм эфирда яңгыраган эшләр кабул ителә.
Конкурс түбәндәге номинацияләр буенча уздырыла:
«Төбәктәге татар тормышы» (әлеге номинациягә Бөтендөнья татар конгрессы һәм үз төбәкләрендәге күренекле татар шәхесләренә багышланган эшләр кабул ителә);
«Яшь хәбәрче» (әлеге номинациягә V-XI сыйныфларда укучы яшь хәбәрчеләрнең матбугатта чыккан яки эфирда яңгыраган татар телендәге материаллар циклы кабул ителә).
Кызыклы яңалыкларны күзәтеп бару өчен Телеграм-каналга язылыгыз