news_header_top_970_100
news_header_bot_970_100

Чит илдә яшәүче Россия укучылары мәктәптә йомгаклау имтиханнарын тапшыра алмаячак

Хөкүмәт чит илләрдә яшәүче Россия укучылары өчен 2023 елда йомгаклау имтиханнарын тапшыру үзенчәлекләрен раслады – алар дәүләт йомгаклау аттестациясен уза алмаячак. Мондый хәл «дустанә булмаган илләрнең гамәлләре аркасында оештыруда кыенлыклар килеп чыгу» сәбәпле барлыкка килде, дип хәбәр итә Министрлар Кабинетының матбугат хезмәте.

Шулай итеп, укучылар белем алу турындагы документларны арадаш имтиханнар нигезендә алачак. Үзенчәлекләр илчелекләр каршындагы мәктәпләрдә укучы, читтән торып укучы яки гаиләдә белем алучыларга кагылачак.

Шул ук вакытта, 2022 елның беренче яртысында Луганск һәм Донецк халык республикаларыннан Россиягә килгән һәм уку елын биредәге мәктәпләрдә тәмамлаган укучылар арадаш аттестация нәтиҗәләре буенча төп гомуми яки урта белем турында аттестатлар ала алачак, шулай ук аларга 9 сыйныф өчен Дәүләт йомгаклау аттестациясе (ГИА) яки гамәлдәге тәртипләр нигезендә Бердәм дәүләт имтиханнарын тапшыру мөмкинлеге бирелә.

news_right_column_1_240_400
news_right_column_2_240_400
Медиаметрикс
news_bot_970_100