Чистай районында шәхси йортта чыккан янгында 9 яшьлек кыз һәлак булган

Скопировать ссылку

Бүген төнлә Татарстанның Чистай районы Кубас авылында шәхси йортта янгын чыккан.

Янгынны сүндергәннән соң өйдә 9 яшьлек кызның мәетен тапканнар.

Фаҗиганең шартларын ачыклау өчен Чистай шәһәре прокуроры урынбасары Ленара Гыйбадуллина килгән. Тикшерү оештырылган.

Янгын чыгуның якынча сәбәбе – ут белән саксыз эш итү.

Татарстан прокуратурасы хәбәр иткәнчә, «Саксызлык сәбәпле үлемгә китерү» маддәсе буенча җинаять эше ачылган.

Чистай шәһәр прокуратурасы тикшерү барышын һәм нәтиҗәләрен контрольгә алган.