Махсус хәрби операция 27 сентябрь 2024 03:45

Чистай районы башлыгы махсус операциягә гуманитар ярдәмнең чираттагы партиясен илтте

Скопировать ссылку

Чистай районы башлыгы Дмитрий Иванов махсус хәрби операция зонасында булган хәрбиләргә гуманитар ярдәмнең чираттагы партиясен илтте. Күләмле посылка үз эченә транспорт чараларын, азык-төлек, шәхси гигиена әйберләрен һәм хуҗалык товарларын ала. Бу хакта «Чистай-информ» сайтында Гүзәл Хәйруллина яза.

Хәрбиләр өчен гуманитар ярдәмне Чистай райпосы территориясендә төяделәр. Гуманитар йөкне төяүдә битараф булмаган чистайлылар, предприятие коллективлары һәм волонтерлар ярдәм итте. Шулай ук студент-волонтерлар, хакимият вәкилләре дә читтә калмады.

Шулай итеп, махсус хәрби операция зонасына ике транспорт чарасы — мотоцикл һәм автомобиль җибәрелде. Хәрбиләргә шулай ук радиаторлар, мич-буржуйкалар, азык-төлек, кием-салым, газ конфоркалары, дарулар, носилкалар, якыннарыннан һәм туганнарыннан посылкалар һәм башка күп әйберләр җибәрделәр.

Солдатларга кирәк булган бөтен нәрсә дә исемлектә бар.

«Әлеге йөкне бүгенге көндә махсус хәрби операция зонасында булган егетләрнең соравын истә тотып әзерләдек. Без һәрвакыт аларның үтенечләрен истә тотабыз, чөнки безнең ярдәм алар өчен файдалы һәм кирәкле булачак. Анда безнең якташлар, шулай ук башка районнардан һәм төбәкләрдән булган солдатлар хезмәт итә. Егетләребез безнең кайгыртучанлыкны тойсыннар дип, без барысын да эшлибез», — диде Дмитрий Алексеевич.

Луганск өлкәсе Лисичанск шәһәренә дә шәһәрне төзекләндерү өчен төзелеш материаллары җибәрелде. Торбалар, такталар, 550 квадрат метрдан да артыграк күләмдә поликарбонат һәм башка төзелеш материаллары бар.

«Гуманитар ярдәм җыюда һәм илтүдә ярдәм иткән барлык кешеләргә зур рәхмәт. Хәрбиләр безнең ярдәмгә мохтаҗ, без аларны уңайсыз хәлдә калдырмаячакбыз», — дип йомгак ясады район башлыгы.

#Чистай

Сәхифәләр

Чистай районы башлыгы махсус операциягә гуманитар ярдәмнең чираттагы партиясен илтте