Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чирмешәннең Лашман мәктәбенә Минсәгыйть Шакиров исеме бирелә
Чирмешәннең Лашман мәктәбенә Татарстанның Муниципаль берәмлекләр советы рәисе булган Минсәгыйть Шакиров исеме бирелә. Биредә яшәүчелләр 1 ел элек вафат булган якташларының исемен шулай мәңгеләштерергә уйлаган. Бу хакта «Безнең Чирмешән» сайтында хәбәр ителә.
«Бу тәкъдимне мәктәп коллективы, Лашманда узган җыенда катнашучыларның күпчелеге, комиссия дә хуплады. Ул моңа лаек, аның вакытында районда бик күп биналар төзелде, күләмле зур эшләр башкарылды. Бүгенге мәҗлесне мәрхүм якташыбызның улы Рафаэльнең, гаиләсе белән бергәләп үткәрәбез., - диде район башлыгы Рамил Айбатов Минсәгыйть Закир улының вафатына бер ел тулу уңаеннан оештырылган Коръән ашында.
Район җитәкчесе быел Лашман мәктәбенең бер өлешен капиталь ремонтлауга республикадан 26 миллион сум акча бирелү ихтималы турында да әйтте.
Минсәгыйть Шакировны Чирмешәндә оештырылган искә алу чарасында Коръән аятьләре һәм сүрәләр укылды, мәрхүм рухына дога кылынды, аның белән бәйле истәлекләр яңарды.
«Бер ел элек арабыздан китсә дә, ул һаман безнең янда кебек. Минсәгыйть Закирович, урыны оҗмахта булсын, уникаль биографияле, олы шәхес иде, аны кабатлый алмыйсың, моның өчен ул булырга кирәк, - диде «Татарстан Муниципаль берәмлекләр советы» ассоциациясе рәисе Әгъзам Гобәйдуллин.
Минсәгыйть Закир улы Шакиров 2023 елда 74 яшендә вафат булды. Ул 22 ел дәвамында район белән җитәкчелек итте, ун елдан күбрәк ТР Муниципаль берәмлекләр советы рәисе булды. Татарстан Республикасының атказанган авыл хуҗалыгы хезмәткәре, күп кенә орден һәм медальләр иясе.
Кызыклы яңалыкларны күзәтеп бару өчен Телеграм-каналга язылыгыз