Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чирмешәннән Гыйниятуллиннар иң күп укучы гаилә буларак танылган
Чирмешән районы үзәгендә яшәүче Гыйниятуллиннар «Гаилә белән уку» («Чтение семейного масштаба») республика бәйгесендә бүләкләнде.
Рузилә Гыйниятуллина (Сөләйманова) һәм аның Чирмешәннең 1нче мәктәбендә укучы кызлары Язилә белән Ясминә әлеге бәйгенең «Иң күп укучы гаилә – гореф-гадәтләрне саклаучы» номинациясендә катнашкан. Алар китаплар укыган, милли ашлар пешергән, шуларны теркәп, фотосессияләр, видеороликлар ясап, эшләре турында хисап тотканнар.
«Безгә укытучы ветеран, элек татар теле укыткан әниебез, әбиебез Сирин Сөләйманова бик нык ярдәм итте. Оныклары белән бик күп китаплар укыды. Соңгысында гаиләбез белән «Ак Барс кайда яши?» дип аталган, балалар өчен Татарстан турында язылган бик кызыклы китап укыдык», - ди Рузилә Гыйниятуллина.
Нәтиҗәдә республика балалар китапханәсе Гыйниятуллиннарга сертификат тапшырган. Район үзәк китапханәсе исә Язилә белән Ясминәне тәм-томнар, аларның әниләрен кыйммәтле китап белән сөендергән.
Кызыклы яңалыкларны күзәтеп бару өчен Телеграм-каналга язылыгыз