Авыл 6 ноябрь 2024 20:50

Чирмешән районының яшь комбайнчысы республика конкурсында катнашты

Скопировать ссылку

Чирмешәннең «БИО-АГРО» җәмгыяте комбайнчысы Рәмзил Гарифуллин яшь комбайнчыларның «Хезмәт кешесен данлыйбыз» 16 нчы республика конкурсында район данын яклады. Бу хакта «Безнең Чирмешән» газетасы яза.

Татарстан Республикасы Авыл хуҗалыгы һәм азык-төлек министрлыгы «Татарстан» Дәүләт телерадиокомпаниясе белән берлектә уздырган бәйгедә ул Казан дәүләт аграр университетына укырга керегә мөмкинлек - рекомендация бирүче сертификат белән бүләкләнгән һәм акчалата бүләккә ия булган.

Конкурсның беренче этабында 43 районнан 2024 елгы урып-җыю чорында югары нәтиҗәләргә ирешкән яшь комбайнчылар катнашкан. Бәйгенең беренче этабында җиңгән 19 механизатор Сабада көч сынашкан. Комбайнчыларны теоретик һәм практик яктан сынап, иң осталарны ачыклаганнар. Тырыш механизаторларга экскурсияләр дә оештырылган. Ике көнгә сузылган чарада алар күп файдалы мәгълүмат алганнар, яңа дуслар тапканнар, тәҗрибә уртаклашканнар.

Рәмзил Гарифуллин быелгы урып-җыю чорында «Тукано-580» комбайнында 3590 тонна ашлык суктырган, диелә хәбәрдә.

Сәхифәләр

Чирмешән районының яшь комбайнчысы республика конкурсында катнашты