Чирмешән районында «Татнефть» гранты ярдәмендә чишмә яңартылган
Скопировать ссылку
Чирмешән районының Чумачка авылында «Татнефть» гранты ярдәмендә, 1,2 млн сумнан артыгракка «Яшьлек» чишмәсе төзекләндерелгән. бу хакта «Безнең Чирмешән» газетасы яза.
Әлеге акчалар хисабына су чыганагының агып чыгу юлы ныгытылып, тирәсенә бетоннан тротуар салынган. Чишмә өстенә яңа түбә ясаганнар, ә аның каршындагы мәйданчыкка брусчатка җәелгән. Килүчеләргә автомобиль куярга да урын бар, бу урынны вак таш түшәп ныгытканнар. Ял итүчеләр өчен ике матур беседка да эшләнгән.
«Чирмешән осталары төзекләндерү эшләрен тәмамлап килә, койманы тотып бетерәсе генә калды», – диде Түбән Кармалка авыл җирлеге башлыгы Александр Митякин.