Чирмешән балалар сәнгать мәктәбенең яшь белгече 1 миллион сум премия отты
Скопировать ссылку
Чирмешән балалар сәнгать мәктәбе концертмейстеры Диләрә Шәйдуллина «Авыл мәдәният хезмәткәре» республика бәйгесендә җиңде. Бу хакта «Безнең Чирмешән» газетасы яза.
Өстәмә белем бирү мәктәбе укытучысы 1 миллион сум күләмендә премия белән бүләкләнде.
Диләрә Илфат кызы үзе дә Чирмешән сәнгать мәктәбенең фортепьяно бүлегендә укыган. Быел Әлмәт музыка көллиятен тәмамлаган кыз бирегә эшкә кайтты. Якташыбыз мәктәптә дә, уку йортында һөнәр үзләштергәндә дә төрле бәйгеләрдә катнашып җиңүләр яулый. Менә шушы уңышлары аңа бәйгедә җиңәргә ярдәм иткән дә.
Әлеге премияне откан яшь белгеч авыл җирендә биш ел эшләргә тиеш була.