Хәвеф-хәтәр 16 сентябрь 2024 12:10

Чиләбедә яшьтәшләренә һөҗүм иткән укучы мәктәпкә пычак, чүкеч һәм пистолет алып килгән

Скопировать ссылку

Чиләбедә яшьтәшләренә һәм укытучыга һөҗүм иткән үсмер мәктәпкә пычак, чүкеч һәм пистолет алып килгән. Бу хакта РИА Новости агентлыгы хәбәр итә.

Агентлык әңгәмәдәше билгеләп үткәнчә, җиденче сыйныф укучысы мәктәпкә пычак, чүкеч һәм пистолет алып килгән, химия кабинетына кергән һәм сыйныфташларына чүкеч белән суга башлаган. Ул шулай ук пистолетның төре ачыклануын, өч укучының яралануын билгеләп үтте.

Искәртеп узабыз, бүген иртән Чиләбенең 68нче мәктәбендә бер укучы балаларга һәм педагогларга чүкеч белән ташланган. 13 яшьлек үсмерләрнең өчесе – ике кыз һәм бер малай, шулай ук бер укытучыны беренче медицина ярдәме күрсәткәннән соң хастаханәгә озатканнар, хәзерге вакытта аларның хәле тотрыклы. Һөҗүм итүчене Росгвардия хезмәткәрләре тоткарлаган, дип хәбәр иттеләр Эчке эшләр министрлыгының Баш идарәсендә.

Сәхифәләр

Чиләбедә яшьтәшләренә һөҗүм иткән укучы мәктәпкә пычак, чүкеч һәм пистолет алып килгән