Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чиләбе өлкәсе җитмешенче тапкыр узачак Сабан туена чакыра
Чиләбе өлкәсе татарлары конгрессы җитмешенче тапкыр узачак Сабан туена чакыра. Әлеге бәйрәм Россия халыклары бердәмлеге елында чын мәгънәсендә әһәмиятле вакыйга, дип яза Бөтендөнья татар конгрессы матбугат хезмәте.
Чиләбе өлкәсендә Сабантуй 1920 елларда башлана. Сугыш вакытында бәйрәм үткәрелми, ләкин 1954 елда аны яңадан торгызалар. Ә 1956 елда беренче тапкыр өлкә Сабантуе уздырыла, анда бөтен төбәктән вәкилләр җыела.
Бүген өлкәдә ел саен авылларда, районнарда һәм шәһәрләрдә 17-19 Сабантуй уза. Ә төп Сабан туе Аргаяш округының Норкино авылында уза. Бирегә ел саен 50 меңнән артык кеше килә.
Юбилей Сабантуеның программасы төрлечә булачак. Һәр муниципалитетта көнкүреш, һөнәрчелек һәм Сабантуй тарихы турында фото-хикәяләр белән 20дән артык милли тирмә эшләү планлаштырыла.
Йолдызлы кунаклар катнашында концерт программасы һәм спорт ярышлары — көрәш, аркан тартышу, көянтә белән йөгерү, капчыклар белән көрәш һәм башкалар булачак.
Милли ашлар — чәк-чәк, өчпочмак, бавырсак, пылау һәм самовардан чәй тәкъдим ителәчәк. Иң кечкенәләр өчен мастер-класслар һәм балалар мәйданчыклары оештырылачак.
Юбилей елында сәхнәдә легендар коллектив — Халыклар дуслыгы орденлы Татарстан Республикасы Дәүләт җыр һәм бию ансамбле чыгыш ясаячак.
Кызыклы яңалыкларны күзәтеп бару өчен Телеграм-каналга язылыгыз