Чувашия татарлары Җиңүнең 75 еллыгы белән котлый
«Безгә үзебезнең гореф-гадәтле, мәңгелек Татарстанлы булу кирәк», — дип яза Фәрит Гыйбатдинов.
(Казан, 2 май, «Татар-информ»). Чувашия татарлары Җиңүнең 75 еллыгы белән котлый. Бу турыда Бөтендөнья татар конгрессы сайтында хәбәр ителә.
Чувашия Республикасы татарларының милли-мәдәни мохтарияте рәисе Фәрит Гыйбатдинов сүзләренчә, алар инде бабаларыбызның фоторәсемнәрен күтәрмичә, дога белән котларга булган.
"Һәрбер гаиләдән сугышта катнашкан бөтен милләттәшләребезне искә алып, бер-беребезне котларга булдык. Кыпчак ыруларыннан, төрки, болгар бабайлардан, бүгенге көнгә татар булып олы милләт булып формалашканбыз, безгә сугыш кирәкми. Безгә тынычлык кирәк, саулыклы, татар телле, мәдәниятле, башка халыклар белән тату, үзебезнең гореф-гадәтле, мәңгелек Татарстанлы булу кирәк», — дип яза Фәрит Гыйбатдинов.