Чистайда яшәүчеләр яралы кыр кәҗәсен коткарган
Аның яраларын караганнар, аннары урманга җибәргәннәр.
Скопировать ссылку
(Казан, 21 февраль, «Татар-информ»). Чистайда яшәүчеләр яшь себер кыр кәҗәсен күреп алганнар һәм хайван язмышына битараф калмаганнар. Бу хакта Татарстан Биоресурслар буенча Дәүләт комитеты матбугат хезмәте хәбәр итә.
Чистайда яшәүчеләр ведомство хезмәткәрләренә хәбәр иткән. Алар ветеринарлар ярдәмендә курыккан кыргый хайванны караган һәм яраларын эшкәрткәннәр.
Кичә, 20 февральдә кыр кәҗәсе яхшы хәлдә урманга җибәрелде.
Ведомство белгечләре сүзләренчә, бу республика территориясендә хайваннарны коткаруның беренче очрагы гына түгел һәм аларга битараф булмаган өчен рәхмәт белдерделәр.