Дин 11 гыйнвар 2017 08:31

Чистайда Мөселман яшьләре берлеге кошларга җимлекләр ясау буенча мастер-класс оештырган

Анда райондагы балалар йортында тәрбияләнүчеләр, мәчет каршындагы курсларга йөрүче балалар катнашкан.

Скопировать ссылку

(Казан, 11 гыйнвар, "Татар-информ"). Татарстанның Чистай районында мөселман яшьләре берлеге активистлары кошларга кышкы җимлекләр ясау буенча мастер-класс уздырды. Мастер-класс “Иман” мәчетендә оештырылды, анда райондагы балалар йортында тәрбияләнүчеләр, мәчет каршындагы курсларга йөрүче балалар катнашты, дип хәбәр итә Татарстан мөселманнары Диния нәзарәте матбугат хезмәте.

Мөселман яшьләре берлегенең тәҗрибәле кул осталары яшүсмерләр белән бергә берничә җимлек ясаган. Мондый остаханәне оештыручылар сүзләренә караганда, кул эшләре чаралары яшүсмерләрдә эшне, табигатьне ярату хисен уятырга, аларны әйләнә-тирә мохиткә сакчыл карарга өйрәтергә ярдәм итә. Барлык җимлекләр дә шәһәр мәчетләре территорияләрендә урнаштырылган.

#Чистай #җимлек

Сәхифәләр

Чистайда Мөселман яшьләре берлеге кошларга җимлекләр ясау буенча мастер-класс оештырган