Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чистай районында 37 яшьлек ир үсмер кыз балаларны көчләүдә шикләнелә
Хөкемне ТРның Югары суды чыгарачак
(Казан, 16 июль, “Татар-информ”). Россия Тикшерү комитетының ТР буенча идарәсе Чистай районара тикшерү бүлеге тарафыннан 37 яшьлек Фәнис Мингалиевка карата кузгатылган җинаять эшен тикшеренү тәмам. Ул РФ Җинаять кодексының 132нче маддәсе 4нче өлеше “б” пункты буенча 14 яше тулмаган балаларга карата сексуаль характерда көч куллануда гаепләнелә.
Тикшерү версиясе буенча, 2013нче елның ноябрьеннән алып декабрь айларына кадәр Мингалиев 9-12 яшьлек кыз балаларга карата төрле бозык һәм сексуаль характерда көч кулланган, аннан барысы 7 балага зыян килгән.
Җинаятьче үз гаебен тулысынча таныган. Суд исә аны сак астына алган.
Суд стационар психиатрия экспертизасы нәтиҗәләре күрсәткәнчә, ир кешенең психикасы какшаган һәм җинаятьләрне кылган вакытта ул аларның ни дәрәҗәдә куркыныч булуын аңламаган. Хәзерге вакытта да Ф. Мингалиев психикасы какшаудан интегә һәм махсус типтагы психиатрик стационарда мәҗбүри дәвалануга мохтаҗ.
Шул сәбәпле, ир кешегә медицина ярдәме күрсәтү характерындагы җәза бирү өчен җинаять эше ТРның Югары судына юнәлдерелгән, дип хәбәр итә Россия Тикшерү комитетының ТР буенча идарәсе җитәкчесе урынбасары.
Кызыклы яңалыкларны күзәтеп бару өчен Телеграм-каналга язылыгыз