Сәясәт 8 февраль 2010 16:26

Чистай округы буенча ТР Дәүләт Советы депутаты мандатына өч кандидат дәгъва кыла

Чистай бермандатлы сайлау округы буенча ТР Дәүләт Советы депутатын өстәмә сайлаулар 14 мартта узачак

Скопировать ссылку

(Казан, 8 февраль, “Татар–информ”). Чистайда 34 нче Чистай бермандатлы сайлау округы буенча Татарстан Республикасы Дәүләт Советы депутатын өстәмә сайлаулар буенча кандидатлар теркәү тәмамланды.
Чистай шәһәре территориаль (округ) сайлау комиссиясенә 6 кеше документларын теркәүгә бирде: “Бердәм Россия”, “Россия Федерациясе коммунистлар партиясе”, “Россия либераль–демократик партиясе”нән берәр кандидат һәм үз–үзен кандидат итеп күрсәтүче 3 кеше.
Тәкъдим ителгән документларны караганнан соң, шәһәрнең территориаль (округ) сайлау комиссиясе Татарстан Республикасы Сайлау кодексы нигезендә өч кандидатны теркәде, ике кандидатны теркәүдән баш тартты, бер кандидат язма гариза биреп, үз кандидатурасын кире алды, дип хәбәр итә ТР Үзәк сайлау комиссиясе матбугат хезмәте.
Искәртеп узабыз, Чистай бермандатлы сайлау округы буенча ТР Дәүләт Советы депутатын өстәмә сайлаулар 14 мартта узачак.

Сәхифәләр

Чистай округы буенча ТР Дәүләт Советы депутаты мандатына өч кандидат дәгъва кыла