Чистай мөхтәсибәтендә Иордания университеты профессоры белән очрашу узган
Чарада Татарстан мөфтие Камил хәзрәт Сәмигуллин да катнашкан.
Скопировать ссылку
(Казан, 27 ноябрь, "Татар-информ"). Татарстан мөфтие Камил хәзрәт Сәмигуллин Чистай мөхтәсибәтенә сәфәр кылды. Районның Мәдәният йортында җирлектә яшәүче мөселманнар белән очрашу үткәрелде. Бу хакта Татарстан мәфтияте матбугат хезмәте хәбәр итә.
Бу чарада шулай ук мөфти урынбасарлары Илдар хәзрәт Баязитов, Рөстәм хәзрәт Хәйруллин, Иордания университеты профессоры шәех Габдрәзәк әс-Сәгъди, ТР МДН нең “Зәкят” хәйрия фонды, “Хәләл” стандартлары комитеты, “Вакф” фонды , “ТР МДН Хаҗ” операторы вәкилләре, көньяк төбәк казые Равил хәзрәт Зөфәров, Чистай районы имам-мөхтәсибе Мөхәммәт хәзрәт Кыямов, шулай ук Кама аръягы төбәге имам-мөхтәсибләре катнашты.
