Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Чистай башкарма комитеты башлыгына 880 мең сумлык ришвәт өчен җинаять эше кузгатылган
Тикшерү фаразлары буенча, башкарма комитет җитәкчесе ришвәтне «Тесла» компаниясе башлыгыннан алган.
(Казан, 9 гыйнвар, «Татар-информ»). Чистай башкарма комитеты җитәкчесе Александр Заиконников ришвәт алуда шикләнелә. Бу хакта «Татар-информ»га Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий үәбәр итте.
45 яшьлек Александр Заиконниковка карата ришвәт алу, «Тесла» компаниясенең 43 яшьлек директоры Рамил Ситдыйковка карата ришвәт алу турында эшләр кузгатылган.
Тикшерү версиясе буенча, 2017-2018 елларда Чистай башкарма комитеты Ситдыйков фирмалары белән урамнарны җыештыру һәм Чистайны төзекләндерү эшләрен башкаруга 70 миллион сумнан артык күләмдә муниципаль контрактлар төзегән.
Тикшерү мәгълүматлары буенча, Заиконников башкарылган эшләр актын акча өчен имзаларга вәгъдә иткән. Ярты ел дәвамында -2 018 елның июнь аеннан декабренә кадәр Ситдыйков Заиконниковка 880 мең сум акча тапшырган.
Ике фигурант та җинаятькә катнашы барлыгын таныган. Тиздән суд икесенә дә чик кую чарасын сайлаячак.
Кызыклы яңалыкларны күзәтеп бару өчен Телеграм-каналга язылыгыз