Фән һәм мәгариф 10 июнь 2018 08:00

Чирмешәннең Сосновка авылы яңа мәктәпле һәм суүткәргечле булачак

Элек Сосновкада су линиясе гомумән булмаган, халык суны үзләре казыткан коелардан алган.

Скопировать ссылку

(Чирмешән, 10 июнь, “Татар-информ“, “Безнең Чирмешән“, Гөлсирә Шәрифуллина). Чирмешән районының Сосновка авылында яңа мәктәп сала башлыйлар, яңа суүткәргеч сузалар. Сосновка авылында газлаштыру фонды аша 3 километр озынлыгында суүткәргеч линия суза башлаганнар, дип яза җирле басма.

Элек әлеге торак пунктта су линиясе гомумән булмаган, халык суны үзләре казыткан коелардан алган.

"Авылда чиста су проблемасы бар иде, хәзер инде ул хәл ителәчәк. Казаннан килгән бригада яңа торбаларны сала да башлады, - ди Ульяновка авыл җирлеге башлыгы Самат Шәмсетдинов. - Быел 5 миллион сумга эш башкару күздә тотыла".

Сосновкада 55 йортта 154 кеше гомер кичерә. Берничә ел элек монда яңа күпфункцияле үзәк ачтылар. Быел авылда 15 урынга исәпләнгән, спорт заллы мәктәп тә төзи башлаячаклар.

#Безнең Чирмешән #сосновка

Сәхифәләр

Чирмешәннең Сосновка авылы яңа мәктәпле һәм суүткәргечле булачак