Мәдәният 20 май 2018 07:00

Чирмешәннең “Мөгәллимә“ коллективы республика фестивалендә икенче дәрәҗә Дипломга ия булды

Әлеге чарада республиканың 24 районыннан 46 фольклор коллектив чыгыш ясаган, барлыгы 300ләп кеше катнашкан.

Скопировать ссылку

(Чирмешән, 20 май, “Татар-информ“, “Безнең Чирмешән“, Гөлсирә Шәрифуллина). Чирмешән районы Лашман урта мәктәбенең “Мөгаллимә” фольклор коллективы Биектау районында узган “Иске Казан түгәрәк уены” татар фольклоры республика фестиваленнан икенче дәрәҗә Диплом белән кайттылар, дип яза җирле басма.

Чирмешәнлеләр “халык биюе” номинациясендә бүләкләнгәннәр. Яшәүчедән Фәридә Мортазина мөнәҗәтләр бәйгесендә өченче урын яулаган.

-Фестивальда дүртенче ел рәттән катнашабыз. Узган елларны беренче урын да алдык, -ди Лашман мәктәбе укытучысы Рәмзия Ихсанова. – Аны ел да бик югары дәрәҗәдә оештыралар. Коллективлар төрле номинацияләрдә көч сынаша. Быел фестиваль барышында бик кызык “Такмак әйтеш” ярышы да узды.

Әлеге чарада республиканың 24 районыннан 46 фольклор коллектив чыгыш ясаган, барлыгы 300ләп кеше катнашкан.

#Безнең Чирмешән

Сәхифәләр

Чирмешәннең “Мөгәллимә“ коллективы республика фестивалендә икенче дәрәҗә Дипломга ия булды