Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чирмешәндә юл һәлакәтләре корбаннарын искә алдылар
Укучылар урамга чыгып, машина йөртүчеләргә юлда йөрү кагыйдәләрен искә төшерүче буклетлар тараттылар.
(Чирмешән, 21 ноябрь, “Татар-информ“, “Безнең Чирмешән“, Марат Гомәров). Бөтендөнья юл һәлакәтләре корбаннарын искә алу көне алдыннан Чирмешән кадетлар мәктәп-интернаты базасында кадетлар һәм Әккәрәй мәктәбе укучылары акция оештырдылар. Бу турыда җирле басма яза.
Балалар юлда йөрү кагыйдәләре турында әңгәмәдә катнаштылар, видеоролик карадылар, юлларда һәлак булучыларны бер минут тын калып искә алдылар.
Ә Чирмешән лицеенда әлеге көн тарихы, юл һәлакәтләренең сәбәпләре хакында сүз булды.
Чараның икенче өлешендә исә укучылар урамга чыгып, машина йөртүчеләргә юлда йөрү кагыйдәләрен искә төшерүче буклетлар тараттылар.
Акциядә катнашучыларның бу хакта плакатлары да бар иде. Ә инде иң ахырдан, балалар Чирмешән өстенә, автоһәлакәт корбаннарын искә алу символы буларак ак шарлар очырдылар.
Кызыклы яңалыкларны күзәтеп бару өчен Телеграм-каналга язылыгыз