Җәмгыять 13 апрель 2018 09:00

Чирмешәндә юл инспекторлары цирк артистлары белән рейд үткәрделәр

Шушы көннәрдә районның ЮХИДИ бүлекчәсе инспекторлары юлда йөрү кагыйдәләрен бозучыларны ачыклау буенча чираттагы рейд үткәрделәр.

Скопировать ссылку

(Чирмешән, 13 апрель, “Татар-информ“, “Безнең Чирмешән“, Гөлсирә Шәрифуллина). Шушы көннәрдә Чирмешән районының ЮХИДИ бүлекчәсе инспекторлары юлда йөрү кагыйдәләрен бозучыларны ачыклау буенча чираттагы рейд үткәрделәр. Рейдның максаты – балаларны йөртү һәм җәяүлеләр арасында юлда йөрү кагыйдәләрен үтәмәүчеләрне ачыклау, дип яза район газетасы.

Әлеге чарада районга гастрольга килгән һәм балалар имгәнүе проблемасына битараф булмаган “Пегас” цирк-шапито артистлары да катнаштылар, балаларны махсус утыргычларга утыртып йөртүче тәртипле ата-аналарга циркка билетлар да тапшырдылар.

Кагыйдәләрне бозучылар белән исә инспекторлар аңлату эше үткәрделәр.

-Әлеге рейд юлда йөрү кагыйдәләрен бозучыларга җәза бирү түгел, беренче чиратта юл хәрәкәтендә катнашучыларны юлда йөрү кагыйдәләрен үтәргә, бер-береңә карата игътибарлы һәм җаваплы булырга өндәү өчен бик әйбәт чара, - ди ЮХИДИ инспекторы Сергей Барабашкин.

#Безнең Чирмешән

Сәхифәләр

Чирмешәндә юл инспекторлары цирк артистлары белән рейд үткәрделәр